حقيقه المكملات الغذائيه مفيده ام مضره !؟

طبعا كلنا لسه لحد دلوقتي بنختلف مع بعض عن حقيقة المكملات الغذائية البعض بيقول انها مش مضرة والبعض بيقول انها بتجيب سرطان وعقم
وواحد ييجي يقولي يا كابتن مافيش احسن من الطبيعي ارد واقوله ماشي كلامك جميل جدا اكيد الطبيعي يكسب

بس ايه هو الطبيعي وايه الصناعي؟؟؟؟

المشكلة ان الناس اتعودت انها تربط ما بين المكملات الغذائية والمنشطات

والمنشطات اصلا اصبحت موضة قديمة بس هي كانت موجودة بكثرة لانها اقل تكلفة من المكملات الغذائية خصوصا ان المكملات دلوقتي اصبحت متطورة جدا

واحنا طبعا كلنا قرينا كتير عن المكملات بس تعالو بقى نتكلم بالبلدي احسن عشان يبقى الموضوع سهل وبسيط

اي بني ادم طبيعي عشان يعيش لازم ياكل وعشان يغذي جسمه وعقله لازم بردوا ياكل

ده طبعا اساسي

بس لاعب كمال الاجسام بيختلف عن اي رياضي تاني

لان لاعب كمال الاجسام بيبقى ليه مكانين بيعيش فيهم او بمعنى صح له حياتين

الحياه العادية اللي بياكل فيها

والحياه في الجيم واللي بتعتمد اعتماد كبير اوووووي على المكملات الغذائية

واحد ييجي يقولي طيب ما اكل كويس وافكني من المكملات

اقوله جميل اوووي

طيب تعالى نتكلم بالعقل كده يا بومبو

لاعب كمال الاجسام بيحتاج لكل كيلو في جسمه

3جرام بروتين

4 جرام كارب

يعني لو واحد وزنه 70 كيلو هيبقى محتاج في اليوم

210 جرام بروتين

280 جرام كارب

غير طبعا الاحماض الامينية والفيتامينات

وطبعا لاعب كمال الاجسام محتاج ان وزنه العضلي يزيد والعضلة كل مدى بتبقى عايزة غذاء اكتر وبروتين اكتر عشان تكبر

واصلا المكملات الغذائية مستخرجة من شرش اللبن واللحوم والفراخ

والكرياتين بيبقى مستخرج من اللحوم والموز

والجلوتامين نفس الكلام

يعني كلها حجات طبيعية 100%

واحنا هنبقى صعب نوفر كم البروتين ده من الاكل بتاعنا وخصوصا اننا بنحتاج وجبات على مدار اليوم ووجبات خاصة لان لاعب كمال الاجسام بيختلف عن اي رياضي اخر

يعني بمعنى صح لاعب كمال الاجسام من غير المكملات يبقى مش عايش

لانه هييجي عليه فترة ومهما اكل ووزنه مش هيزيد لو اتنطط

والكلام ده مش اللي انا بقوله ده كلام علمي مبنى على ابحاث وكلام دكاترة كبار

واحد هييجي يقوله طب والناس اللي احنا بنشوفها دي بيعلموا

الناس اكيد بياخدوا مكملات غذائية وبيبقوا منتظمين على برامج تدربية وغذائية مع دكاترة

ونا معاك ان في بعضهم بياخد منشطات بل اغلبهم كمان بس ده بيبقى امر واقع

لان الجسم بيوصل لفترة ووالنمو العضلي بيقف ومش بيزيد غير عن طريق الهرمون

بس الناس دس بتاخد الهرمون عن طريق الدكاترة وبيبقى في متابعة يعني مش بشكل عشوائي

واكتر المنشطات اللي بيعتمدوا عليها هي هرمون النمو البشري ال gh لانه بيجيب من الاخر

واكتر الاخطاء الشائعة هي الواحد انه يكون فاكر انه لما يجيب علبة واي او شيكارة سيرياس ماس

انه هيبقى ارنولد وانها هضخمه اووووي الكلام ده غلط لانه البروتينات دي المفروض تبقى شئ اساسي في حياتنا جوه الجيم

لان زي ما قلت لاعب كمال الاجسام له حياه اخره جوا الجيم يعني انت عشان تعيش جوه الجيم لازم تاكل كويس جدا والاكل بتاعك المكملات الغذائية

ده طبعا بجانب الحياه الخارجية الاساسية

يعني تكون عامل حسابك على ضرورة البروتين والاحماض الامينية والكرياتين والجلوتامين

ونا عارف ان في هتكتب وتقول ده كلام فارغ وملوش لازمة

بس انا الكلام بقوله بناء تجارب على ناس كتير اوووي على مستوى العالم لان المكملات دي اكيد اختبروها على ناس كتير

وعارفين انها ملهاش اي ضرر

بس معلش يعني احنا في منا كتير تفيكره لسه جاهل ومقتنع انها بتجيب سرطان وعقم

ده هيفضل طول عمره زي ما هو وجسمه هيزيد وهيقف وبعد كده هيزهق وهيبطل لعب

اللعبة اكيد عايزة مصاريف خاصة وانظمة غذائية وتدريبة

بس اللي عايز يوصل لجسم جميل ومتناسق لازم يتعب ويعرف الطريق منين

معلش انا طولت عليكم بس انا بردوا كنت بفكر كده ان الحجات دي غلط بس انا مقتنع مليون في المية ان لاعب كمال الاجسام من غير المكملات

يبقى ملوش لازمة لانه هيموت من قله الغذاء زي الانسان الطبيعي لو بطل اكل بردوا هيموت

اسف جدا على الاطالة ويارب تكونوا استفدوا من الموضوع
.. اضغط لايك اذا اعجبك الموضوع ..