'sponsored links'
الوزن المثاليIdeal Weight و عظمك عريض ولا صغير كل ده كلام بنسمعه كتير و بنردده كتيير و للاسف بنقع في بعض المفاهيم الخاطئة فيها زي يبقي الواحد من دول يقولك انا وصلت لوزني المثالي ... طيب انت علي اي اساس حددت ان ده وزنك المثالي ؟ و هل هو ده الوزن اللي انت عاوزه كرياضي ولا ده الوزن اللي انت عايزه كشخص عادي ؟ طيب يعني ايه الوزن المثالي ؟ طيب ايه علاقة عظمي و تأثيره علي وزني ؟ كل ده هنعرفه هنا.

الموضوع من كتابة كابتن : Mohamed Rabah
حساب الوزن المثالي

يعني ايه الوزن المثالي ؟

اختلف مفهوم الوزن المثالي عند الناس, فبعضهم فاكر انه هو ده الوزن اللي يخلي شكله حلو, والتاني فاكر ان هو ده الوزن اللي معندوش فيه دهون و كلها صح بس التعريف الادق انه هو الوزن اللي الجسم بيتمتع عنده بقوة و مرونة و قدرة علي الاحتمال و ده طبعا بيعتمد علي بعض العوامل زي السن, الجنس, نوع الجسم.

طيب يعني ايه الكلام ده, انت لخبطنا بكلامك ده ؟

مثال بسيط ..
. ممكن تلاقي واحد رفيع جدا و معندوش دهون بس في نفس الوقت جسمه ضعيف و ده بيرجع لمجموعة اسباب منها اسباب جينية, مش بيلعب رياضة, بيشرب مشروبات غازية كتيير و غيرها ... و طبعا بنشوف الكلام ده علي طول 
و نفس الكلام تلاقي واحد بسم الله ما شاء الله ضخم بس عصبه ضعيف, عنده شوية دهون مع انه تلاقيه واصل للوزن المثالي بتاعه اللي هنعرف ازاي بنحسبه علي حسب نوع عظمك.

 انواع الاجسام و ازاي اقدر احسب وزني المثالي ؟
طبعا فيه طرق كتيير اشهرها نظام اسمه الBMI  بس من حسب قرأتي اكتشفت ان تقريبا اغلب الدكاترة مش بيعترفوا بيه عشان بياخد نوعية واحدة من الجسم.
امال ايه هي انواع الاجسام ؟
عندك 3 انواع للاجسام هنشرحهم بالبلدي و ان شاء الله هنزل موضوع تاني باسلوب علمي و ادق عن انواع الاجسام 
1- الاجسام ذوات العظام الصغيرة 
2- الاجسام ذوات العظام المتوسطة "يتمتع بها اغلب الناس"
3- الاجسام ذوات العظام العريضة

ازاي اقدر احسب الوزن المثالي ؟ 
حساب الوزن المثالي
كج (كيلو جرام)
هناخد 50 كج من اول 152 سم بعد كده نضيف .52 كج لكل 2 سم عشان نوصل للقيمة المتوسطة, بعد كده نشوف نوع عظمنا, لو انت عظمك صغير هنقص 15% من وزن الجسم المتوسط و لو عظمك عريض هنضيف 15% .

مثال : 
لو طولك 167 سم : 
50 + ( 2.5x7.5)  = تقريبا 67 
لو جسمك صغير هنقص 15% = 67 – 10 =56
و لو عريض هنزود 15% = 67 + 10 = 76

رجاء عند نقل الموضوع فى أى موقع
ذكر المصدر لان هذا مجهود يتوجب عليك تقديره
'sponsored links'
'sponsored links'
تابعني على
هل اعجبك الموضوع ؟ ؟
 
Top